Монголчууд эрт дээр үеэс адууг гэршүүлэн эдлэх соёлыг бий болгож, уламжлан хадгалсаар морин уралдаан нь түмэн олны баяр цэнгэлийн манлай эрийн гурван наадмын нэг төрөл болон хөгжиж ирлээ.
   Монголын ард түмэн уяачийн эрдэм ухаан, хурдан морины шинж, удам угшил, хурд хүч, унаач хүүхдийн авхаалж самбаа, тэсвэр хатуужлын талаар ном судар, түүхийн эх сурвалжид мөнхлөн үлдээж, ардын дуу, хуур, аман зохиол, ерөөл магтаалдаа алдаршуулсан байдаг билээ.
   Уламжлалт морин уралдаан нь үндэсний спортын хэмжээнд хүлээн зөвшөөрөгдөж, улмаар монгол туургатны дунд олон улсын чанартай өргөжин хөгжиж, ойрын ирээдүйд дэлхийн морин спортын бие даасан төрөл болох хандлагатай байна. Морин уралдааны уламжлалт хэв шинжийг алдагдуулахгүйгээр өнөөгийн нийгмийн хөгжлийн шаардлагад нийцүүлэн эрхзүйн орчинг боловсронгуй болгох үзэл баримтлалын хүрээнд хурдан морины унаач хүүхдийн эрх, эрүүл мэнд, аюулгүй байдлыг хангах чиглэлээр тодорхой арга хэмжээг авч хэрэгжүүлэн, шинжлэх ухааны үндэстэй хандах шаардлага урган гарч байна.

   УИХ дахь “Хүүхдийн хөгжил, хамгаалал, оролцоог дэмжих бүлэг”-ээс санаачлан, Засгийн газрын хэрэгжүүлэгч агентлаг-Хүүхдийн төлөө газар, Хүүхдийг ивээх сан хамтран зохион байгуулж, хүүхэдтэй ажилладаг төрийн болон төрийн бус байгууллагын ажиллагсад, гэр бүл, хүүхэд, хүн судлалын эрдэмтэн, судлаачид, багш, нийгмийн ажилтан, хэвлэл мэдээллийнхэн, иргэд, олон нийт, эцэг эх, хүүхдийн төлөөлөл 100 гаруй хүний бүрэлдэхүүнтэйгээр, “Хүүхдийн хүмүүжил, төлөвшлийн тулгамдсан асуудал, шийдвэрлэх боломж”-ийн талаар нээлттэй хэлэлцсэний дүнд дараах САНАЛ, ЗӨВЛӨМЖИЙГ гаргаж байна.

   Жил бүрийн 6 дугаар сарын 12-ны өдөр “Хүүхдийн хөдөлмөрийн эсрэг дэлхийн өдөр”-ийг тохиодог уламжлалтай билээ.
   Энэ жилийн Хүүхдийн хөдөлмөрийн эсрэг дэлхийн өдрийг “Зорилгодоо хүрье – Хүүхдийн хөдөлмөрийг устгая” (Go for the goal End child labour) уриан дор зохион байгуулан явуулахаар төлөвлөөд байна.

     Хараа хяналтгүй хүүхдийн хүн худалдаалах гэмт хэргийн хохирогч болох эрсдлийг тогтоох судалгааны үр дүнг хэлэлцэх, цаашид авах арга хэмжээний талаар санал солилцох зорилго бүхий хэлэлцүүлэг болж өндөрлөлөө.

    Энэхүү хэлэлцүүлэг нь хараа хяналтгүй хүүхдүүдийг хүн худалдаалах гэмт хэргийн хохирогч болж буй талаар нийгэмд батлагдаагүй мэдээлэл, таамаглал нийтлэг байдаг бөгөөд үнэхээр гэмт хэргийн хохирогч болсон хүүхэд бий эсэх, эдгээр хүүхдэд учирч буй эрсдэл нь чухам юу байдаг тухай тодруулах зорилгоор хийгдсэн “Хувь заяа” төслийн эхний шатны үр дүнг хэлэлцсэн юм.

   Төслийг Швейцарийн хөгжлийн агентлаг, Хүний аюулгүй байдлын судалгааны төвийн дэмжлэгтэйгээр Засгийн газрын хэрэгжүүлэгч агентлаг Хүүхдийн төлөө газраас хэрэгжүүлж байна.