Энэ жилийн хувьд “Хүүхдийн хөдөлмөрийн эсрэг дэлхийн өдөр” 2010 оны 6 дугаар сарын 11-нд Өмнөд Африкийн Бүгд Найрамдах Улсад нээлтээ хийх Дэлхийн хөл бөмбөгийн аварга шалгаруулах тэмцээнтэй давхцаж байгаагаар онцлогтой юм.
   Хөл бөмбөгийн олон тамирчид хүүхдийн хөдөлмөрийн эсрэг аяныг дэмждэг. Учир нь тамирчдын тоглож буй ширэн бөмбөгийг хийхэд маш нарийн нягт ажиллагааг шаарддаг тул зарим улс оронд энэ төрлийн үйлдвэрлэлд хүүхдийн хөдөлмөрийг ашигладаг, энэ нь хүнд тэвчишгүй хэлбэрийн хөдөлмөрт тооцогддогтой нягт уялдаа холбоотой юм.
   Энэ удаад ч Дэлхийн хөл бөмбөгийн аварга шалгаруулах тэмцээнийг зохион байгуулагчид нь Хүүхдийн хөдөлмөрийн эсрэг дэлхийн өдрийг дэмжиж Манай орны хувьд Хүүхдийн хөдөлмөрийн эсрэг дэлхийн өдрийг тохиолдуулан нийслэл болон орон нутгийн хэмжээнд дараах ажлуудыг зохион байгуулах юм. Үүнд:
    - Сургуулиас гадна байгаа хүүхдүүдийг боловсролд хамруулах болон тэдэнд үзүүлэх үйлчилгээний чанар,
      хүртээмжийг нэмэгдүүлэх асуудлыг орон нутгийн Хүүхдийн Төлөө Зөвлөлийн хурлаар хэлэлцэн санхүүжилтийг
      тодорхойлж, шаардлагатай арга хэмжээ авч ажиллах;
    - Ядуу гэр бүлийг дэмжих бодлогын хэрэгжилтийн хүүхдэд хүрсэн үр өгөөжийг тооцон, нийгмийн салбарын
      чиглэлээр хэрэгжүүлж буй төсөл, хөтөлбөрүүдийн ажлын уялдаа зохицуулалтыг сайжруулах арга
      хэмжээнүүдийг авч ажиллах;
    - Хөдөлмөр эрхлэгч хүүхэд, эцэг эх, нийгмийн ажилтнуудын ур чадвар, чадавхийг дээшлүүлэх сургалтын үр
      нөлөө, хүртээмжийг нэмэгдүүлэх арга хэмжээг авч ажиллах;
    - Эрх нь зөрчигдсөн хохирогч хүүхдийн хамгааллыг сайжруулахад чиглэсэн тодорхой арга хэмжээг авч
      ажиллах; 
    - Иргэний бүртгэлгүй хүүхдүүдийг бүртгэлд бүрэн хамруулах, шилжилт хөдөлгөөний зохицуулалтыг сайжруулах
      арга хэмжээг авч ажиллах;
    - Хөдөлмөр эрхлэгч хүүхдүүд мэдээлэл авах, өөрсдийнхөө нөхцөл байдлыг сайжруулах чиглэлээр үзэл бодлоо
      илэрхийлэх “Нээлттэй талбар”, нээлттэй хэлэлцүүлэг, санал хүлээн авах хайрцаг ажиллуулах замаар тэдний
      санаа бодол, дуу хоолойг сонсох, нийгмийн амьдралд оролцох нөхцлийг бүрдүүлж, асуудлыг шийдвэрлэх арга
      замыг тодорхойлж, ажиллах;